کامن ویلتھ گیمز؛انتظامیہ کی لاپرواہی پاکستانی باکسر ایونٹ میں شرکت سے محروم

بابر اعظم اور ٹیم انتظامیہ کو فواد اور اظہر علی کی حوصلہ فزائی کرنی چاہیے، یونس خان
August 3, 2022
پاکستان بمقابلہ انگلینڈ کرکٹ سیریز کا شیڈول جاری 17سال بعد پاکستان آنے کا فیصلہ
August 3, 2022
Show all

کامن ویلتھ گیمز؛انتظامیہ کی لاپرواہی پاکستانی باکسر ایونٹ میں شرکت سے محروم

برمنگھم کامن ویلتھ گیمز انتظامیہ کی مبینہ غفلت کی وجہ سے پاکستان کے باکسر ذوہیب رشید فلائی ویٹ کیٹیگری ایونٹ میں شرکت سے محروم رہ گئے۔

کامن ویلتھ گیمز میں ذوہیب رشید کو فلائی ویٹ کیٹیگری میں شرکت کرنا تھی، اس کیٹیگری کا پہلا رائونڈ پیر کو ہوا۔ تین روز قبل جب ڈراز نکالے گئے تو اس میں ان کا نام شامل نہیں تھا۔

 پاکستان باکسنگ فیڈریشن(پی بی ایف)کے مطابق انہوں نے تمام چیزیں بروقت مہیا کردی تھیں، ٹیکنیکل ڈیلیگیٹ نے غلطی کی جس کی وجہ سے نام ڈراز میں شامل نہیں ہوا۔  باکسنگ فیڈریشن کے سیکریٹری کرنل ناصر تونگ کے مطابق تین دن تک انتظامیہ معاملے کو حل کرنے کے بجائے اس کو طول دیتی رہی اور مقابلوں کے عین وقت کہہ دیا گیا کہ ڈراز نکل چکے اب تبدیلی نہیں ہوسکتی۔

واضح رہے کہ فلائی ویٹ کیٹیگری میں 16 کے بجائے 15 باکسرز کو مین ڈراز میں شامل کیا گیا تھا جبکہ ایک باکسر کو بائی دے دیا گیا۔ سیکرٹری پی بی ایف کرنل ناصر نے کہا کہ کامن ویلتھ گیمز انتظامیہ نے ہمارے باکسر کے ساتھ ناانصافی کی، باکسر کو ذہنی اذیت ہوئی جس پر خاموش نہیں بیٹھیں گے۔

انہوں نے بتایا کہ معاملے پر کامن ویلتھ گیمز فیڈریشن اور آئبا سے احتجاج کے ساتھ ساتھ کھیلوں کی عالمی عدالت میں اذالے کا بھی مطالبہ کیا جائے گا۔ ذوہیب رشید ایشین جونیئر چیمپئن شپ کے برانز میڈلسٹ ہیں اور کرنل ناصر کے مطابق کامن ویلتھ گیمز میں پاکستان کو میڈل جتوانے کی پوزیشن میں بھی تھے۔

Leave a Reply

Your email address will not be published.